Sblancjisa’

Forsit l’operasion plui sodisfacent e plui ben riuscide di quant che soi a Loncje a l’e’ staat sblancjisa’ la gnove cjamare li che soi laat a sta’.

No us vevi dit, ma i ai cjataat cjase. Une di chees centenars di migliaia di cjasutes di modons roos a ie’ la me. Vedudes da l’aparecjo a son dutes compagnes, e di dongje… ancje, onestamentri.

Come quasi dutes las cjases condividudes da tante int, soredut di chiste bande da Manie, a e’ un tic fracasade e ancje avonde sporcje. Io i sarai i un pelut pedantic cul tigni’ dut net e ordenaat (cuissa’ di cui co ai cjapaat…?) pero’ insome… mi domandi cemuut che la int a rive ad aceta’ il compromes di vivi in tun cjoot. E an dai viduus di cjoots… (scusait l’argoment ma non si pos simpri fevela’ dome di lezions di filosofie)

Comunque il me cjotut non l’e’ malvagio. Par drecialu un pooc, ma cence esagera’ parce che non si pos migo deta’ lec iessint i ultims entraas, i ai deciduut di sblancjsa’ la me cjamare. I scriif in furlan parce che di quant chi i ai concepiit l’idee, fint durant dute l’esecusion, el cerneli al mi fevelave in furlan. Forse l’ativitaat dal sblancjin a solecite l’aree semantiche da marilenghe.

Insome, le ai petade avonde ben. Ancje cun t’un tocco di artist. I ai un caminet in stiil vittorian in cjamare, cal ven fuur dal muur cul la cape. I ai fat la part ca ven fuur biele rosse. E dut il rest blanc. Simpatic. Cumo’ i ai plui gust a sta dentri.

Il rest da truppe a son: une coppie maridade sui 35 (un irlandees musicist e editor di IT e une californiane ca ciir lavoor); une frute da Republiche Ceche ca lavore in tun ristorant e une Slovacche ca fas la manager di un negosi di vistiis in Oxford Street (dutes doos sui 26-28 ains) e un fenoli dal Galles (in furlal a l’e’ un termin neutro, fattuaal) ca no ai capiit inmo’ ce cal faas.

Come ca si diseve, tu cjatis un poc di dut dauur di ches puartes.